जसले चार महिनामा ४ खर्ब ९३ अर्ब दान दिईन

अमेजनका संस्थापक जेफ बेजोससँग एक महँगो सम्बन्धविच्छेदपछि चर्चित भएकी उनकी पूर्व श्रीमती म्याकेन्जी स्कटले सम्पत्ति दान गर्ने मामिलामा नयाँ रेकर्ड कायम गरेकी छिन् ।

म्याकेन्जी स्कटले पछिल्लो चार महिनामा ४.२ अर्ब डलर (४ खर्ब ९३ अर्ब रुपैयाँ) को सम्पत्ति ३ सय ८४ संगठनलाई दान दिएकी छिन् । अमेरिकामा कोरोना संक्रमणका कारण महिला, अश्वेत, गरिबीको रेखा मुनी भएका मानिसहरुका लागि मुश्किल स्थिती पैदा भइरहेको छ । यी क्षेत्रमा काम गरिरहेका संगठनलाई म्याकेन्जीले दान दिएकी छिन् ।

म्याकेन्जीले सोसल मिडियामार्फन् कोरोनाभाइरसको कहरलाई अमेरिकीका लागि पहाडै खसेसरह बताएकी छिन् । उनले आफ्नो बयानमा पहिलेदेखि नै समस्यामा भएका अमेरिकी विशेषगरी महिला, अश्वेत र गरिबीको रेखा मुनी भएका मानिसहरुको समस्या बढेको जबकी संसारका अर्बपतिहरुको सम्पत्ति पनि लगातार बढिरहेको बताएकी छिन् । उनका अनुसार यस्तो स्थितीमा धनाढ्यले आफ्नो जिम्मेवारी बुझ्नुपर्ने र अब उनीहरुले समाजलाई फिर्ता दिनुपर्ने बेला आएको छ ।

११६ एनजिओसमेत थुप्रै सामाजिक समुहलाई दिए ६ अर्ब डलरः

म्याकेन्जीले अमेरिकामा कोरोना महामारी फैलिएपछि हालसम्म ६ अर्ब डलर मद्दत गरेक छिन् । म्याकेन्जीले कोभिड–१९ फैलिएपछि आर्थिक रुपमा कमजोर समूहको मद्दत गरिरहेका संगठनलाई सहाराको असाध्यै आवश्यक भएको बताएकी छिन् । म्याकेन्जीले जुलाईमा १ सय १६ एनजिओ, विश्वविद्यालय, सामुदायिक विकास समूह र मान्यताप्राप्त कम्पनीलाई १.६८ अर्ब डलर रकम दान दिएकी थिइन् । उनले त्यसपछि कोभिड–१९ का कारण आर्थिक रुपमा विक्षिप्त भएका मानिसहरुको तुरुन्त मद्दतका लागि सल्लाहकारको समूहलाई २०२० मा आफ्नो दानको कामलाई तीब्रता दिन अह्राएकी थिइन् ।

किन भइरहेछ तारिफ ?

हामीले धेरैजसो यो देख्ने गरेका छौं कि यति ठूलो रकम आर्थिक सहयोगका लागि मानिसहरुले आफ्नै संगठनको सहारा लिने गर्छन् । बिल गेट्स, मार्क जुकरबर्ग र अन्य अर्बपतिले पनि आफ्नै संगठन बनाएर सामाजिक उत्तरदायित्व अन्तर्गत यस्ता काम गर्ने गर्छन् । तर म्याकेन्जीले यसका लागि पहिलेदेखि नै यो क्षेत्रमा काम गर्दै आएका संगठनको सहारा लिइन् । म्याकेन्जीका अनुसार उनको समूहले विशेषगरी खानपिनको समस्या झेलिरहेका, रंगभेदको शिकार भएका र गरिबीको रेखामुनी भएका हरुका लागि काम गरिरहेका बलियो नेतृत्व र नतिजा दिने संगठनको पहिचानका लागि डाटामा आधारित तरिका अपनाए ।

म्याकेन्जीसँग कति छ सम्पत्ति ?

ब्यूमबर्ग बिलियनेर्स इंडेक्सका अनुसार संसारकी १८ औं धनी म्याकेन्जी स्कटको सम्पत्ति यस वर्ष २३.६ अर्ब बढेर ६०.७ अर्ब डलर भएको छ र यसको सबैभन्दा मुख्य कारण अमेजन इंकको भ्यालूमा आएको उछाल हो । यो वर्ष उनको दान ६ अर्ब डलर भएको छ । रकफेलर फिलान्थ्रोपी एड्भाइजर्सकी सिइओ मेलिसा बर्मनका अनुसार कुनै जीवित व्यक्तिको तर्फबाट दिइएको यो सर्वाधिक दानमध्ये एक हो । – एनवाईटाइम्स