हेमजा,पौष २१ । माछापुच्छ्रे गाउँपालिका गाउँ कार्यपालिका कार्यालय स्वास्थ्य शाखाको आयोजनमा पौष २३ गते शनिवार निशुल्क स्वास्थ्य शिविर हुने भएको छ ।
शिविरमा ३० बर्ष देखि ६० बर्ष उमेर समुहका महिलाहरुको पाठेघरको मुखको क्यान्सर÷स्तन क्यान्सरको जांच ,आङ खस्ने समस्याको निशुल्क परिक्षण साथै प्रारम्भिक उपचार हुने स्वास्थ्य शाखा संयोजक डिल्लीराम दाहालले जानकारी दिनु भयो ।
गाउँपालिकाका प्रमुख प्रशासकीय अधिकृत बेदहरि अधिकारीले माछापुच्छ्रे गाँउबासी साथै सम्बन्धित रोग संगका विरामीले उक्त सेवा लिनुहुन आग्रह गर्नुभएको छ । शिविर प्रभावकारी होस भन्ने हेतुले विभिन्न सञ्चार माध्यम बाट सम्बन्धित रोगका विरामी सम्म सुचनाको पहुचका लागि सुचना प्रसारण गरिसकिएको दाहालले बताउनु भयो ।
शिविर माछापुच्छ्रे गाउँपालिका,लाहाचोक स्वास्थ्य चौकीमा विहान ९ः३० देखि सुरु हने छ ।
प्रकाशित मिति २०७९ पुस २१ गते बिहिबार ११:२१
