घरमालिक अस्पताल भर्ना हुँदा ४ दिन सम्म ढोकामा कुरेर बस्यो कुकुर, घरघरी चिहाएर ढोकावाट मालिकलाई हेरेको देखिन्यो (भिडियो हेर्नुस्)

एजेन्सी । जनावरमा पनि कति मानवीयता हुन्छ भन्ने कुरा एउटा कुकुरले देखाएको छ । मानिसको संधै नजिक रहन चाहने कुकुर दुख सुखको साथी पनि हो । टर्कीमा एउटा कुकुरले आफ्नो मालिकप्रति देखाएको अगाध भक्ति र स्नेहको भिडियो अहिले सामाजिक सजालमा भाइरल भएको छ ।

मालिक बिरामी भएर अस्पतालमा भर्ना हुँदा पनि एउटा बफादार कुकुरले अस्पतालमा उनलाई कुरीरह्यो । कहिले निको होलान् र वाहिर आउलान् भनेर टर्कीको अस्पताल बाहिर पर्खेर धेरै दिन बिताएको भिडियोमा अहिले सामाजिक सञ्जालमा भाइरल छ ।

बोनकुक नाम गरेकी उक्त कुकुरनी मालिक सेमाल सेन्टुरकलाई १४ जनवरीमा अस्पताल लैजाँदा एम्बुलेन्सको पछि लागेर गएको देखिन्छ । सेन्टुरकलाई कृष्ण सागर अर्थात् ब्ल्याक सी नजिकै ट्राब्जोनको अस्पतालमा भर्ना गरिएपछि सो कुकुर अस्पतालको ढोकामै बस्यो ।

त्यस पछि पनि हरेक दिन बिहान ९ बजे आएर अस्पतालको ढोका बाहिर बस्थिन् । मध्यरातसम्म मालिकको प्रतिक्षामा बेलाबेखत ढोकाबाट मालिकलाई चियाएर हेरेको पनि देखिन्थ्यो । समाचार एजेन्सी डीएचएका अनुसार सेन्टुरककी छोरी ऐनुर इगेलीले भनिन् ‘मैले बोन्कुकलाई राती घरमा लिएर जान्थेँ तर बिहान ऊ आफैँ अस्पताल आउँथी ।’

रातीसम्म ढोकामै कुर्ने तर, भित्र चाँहि नछिर्ने । ढोका खुल्दा टाउको भित्र छिराएर हेर्ने गरेको त्यहाँका सुरक्षा गा र्डले बताएका छन् । चार दिनपछि सेन्टुरक अस्पतालबाट डिस्चार्ज भए । त्यसपछि ह्वीलचेयरबाट बाहिर निस्कँदै गरेका मालिकलाई हेरेर खुशी हुँदै बोनकुकले आफ्नो प्रतिक्रिया दिएकी थिइन् । त्यसपछि बोनकुक पनि मालिकसँगै रमाउँदै घर फर्किएको दृश्य निकै रोचक देखिन्छ ।