काठमाडौं । चर्चित अभिनेत्री काजल अग्रवाल सामाजिक सञ्जालमा निकै सक्रिय छिन् । उनले दक्षिण भारतीय सिनेमाको साथ बलिउडमा आफ्नो जादू चलाएकी छिन् । काजलले आफ्नो निजी जीवनका कुराहरु आफ्ना प्रशंसकहरूसँग सेयर गर्ने गर्छिन् । फिल्मसँग सम्बन्धित सबै तस्बिरहरू सामाजिक सञ्जालमा सेयर गर्दै आएकी छिन् ।
हालसालै, काजल अग्रवालले इन्स्टाग्राममा उनको नयाँ तस्बिर साझा गरेकी छिन् । लामो समयपछि उनले आफ्नो बिमारीको बारेमा खुलासा गरेकी छिन् । काजलले तस्बिर इन्स्टाग्राममा साझा गर्दै बताइन् कि उनलाई लामो समयदेखि दमको समस्या छ । काजलले इनहेलरको महत्त्वमा पनि जोड दिएकी छिन् । काजलको स्टाटस पढेपछि उनका फ्यानहरु उनीसँग धेरै प्रभावित भए र उनीबाट ठूलो पाठ लिएका छन् ।
सिंघम अभिनेत्रीले पोष्टमार्फत भनेको थिइन कि दमलाई कम गर्ने ईन्हेलर प्रयोग गरेर लजाउनुपर्ने जस्तो केही छैन । तस्बिर साझा गर्दै काजल अग्रवालले लेखिन्, ‘मलाई ५ बर्षको उमेरमा मेरो ब्रोन्कियल दमको बारेमा थाहा भयो, मलाई याद आउँछ कि मलाई त्यतिखेर मनपर्ने चीजहरू खान निषेध गरिएको थियो ।
के तपाईं कल्पना गर्न सक्नुहुन्छ कि बच्चालाई दूध र चकलेटबाट टाढा रहन कति गाह्रो भयो होला ? यो मेरो लागि गाह्रो थियो र यो त्यस्तो थिएन कि जब म ठूलो हुँदै जान्छु, सबै कुरा मेरो लागि सजिलो हुन थाल्छ ।’ काजलले अझै थप्दै लेखिन्, ‘म हिउँदमा वा धुलो र धुवाँजस्ता चीजहरूमा यात्रा गर्दा धेरै समस्या पाउँथे ।
ममा दमको लक्षण देखा पर्न थाल्यो । यस्तो अवस्थामा म सास फेर्थे । त्यस पछि मैले यी सबै चीजहरूको डिल गर्न इनहेलरलाई लिन थालें । जब मलाई सास फेर्न समस्या भयो म यो प्रयोग गर्दछु ।’ इनहेलरको महत्त्व बुझाउँदै काजलले अझै लेखेकी छिन्, ‘मैले आफूलाई परिवर्तन गरेको महसुस गरें । इनहेलर प्रयोग गर्नाले मलाई धेरै आराम भयो ।
तपाईंले यसको प्रयोग गर्न लाज मान्नु हुँदैन, बरु मानिस जसले यो समस्याको साथ संघर्ष गरिरहेका छन् यसको प्रयोगको बारेमा सचेत गराउनु पर्छ। म मेरा साथीहरू, फ्यानहरू र परिवारलाई अपील गर्दछु कि तपाईंहरू सबैलाई इनहेलरको बारेमा व्यक्तिहरूले भन्नु पर्छ ।’ फ्यानहरूले काजलको यो पोष्ट मन पराएका छन् ।
प्रकाशित मिति २०७८ असोज १३ गते बुधबार ०३:४२
